رسالة مهمة الى العضو رامي الرجاء الدخول

بسم الله الرحمن الرحيم

والصلاة والسلام على خاتم الانبياء والمرسلين نبينا محمد وعلى اله وصحبه اجمعين اما بعد..

احي جميع الاعضاء واشكر الاعضاء الذين يبذلون جهدا في الرقي بالمنتدى الى الافضل

رسالتي هذه موجهة الى الاخ الكريم رامي

عزيزي رامي اولا اود شكرك على ماتقدمه للمنتدى من مواضيع جميلة وشيقة وممتعة ولكن لدي بعض الملحظات

اولا: المواضيع التي وضعتها في الفترة السابقة الي هي عن تفسير سور القران هائلة في الحجم والكمية يعني رح قلك شي انا فتت على احد المواضيع تبعك الي حطيتون انت من فترة قصيرة فصدقني ماعرفت شلون بدي اقرا يعني كل تفسير أية او أيتين برد لوحدو هادا الشيء مو مقبول لأنو بخلي شكل الموضوع او صفحة الموضوع سيئة ومملة يعني انا سبق وحذرت من انو لاحدا يحط ردود تحت موضوعو بدون فائدة انت مابس حطيت رد واحد حطيت شي 10 او 15 رد هادا الكلام غير مقبول ابدا

ثانيا: يبدو انك حاطط هل مواضيع فقط لزيادة المشاركة عندك لأنو باستطاعتك تضغطون وتقللون يعني بدل ماتحط بكل رد اية او اتنين حط عشرين تلاتين اية وبعدين حبيبي رامي السور الطويلة والي الى تفسير طويل الرجاء عدم وضعا لانها تاخذ مساحة على الفاضي فلايستفاد منها بأي شيءلا للأعضاء ولا للزائرين فهناك تفسير لبعض السور مجزء يعني كل فترة والتانية بحط جزء من هل تفسير اما مو تضغط كل السورة في صفحة وحدة وتكون مجزئة لأنو هادا بيشكل صعوبة عند القراءة فلايستطيع الداخل الى الموضوع ان يقرأ سوا الجزء الأول اما الباقي فتحسها متلاصقات ببعضها البعض وكمية هذه الايات المفسرة كبيرة للغاية

لذا ارجو منك التالي

عدم وضع مواضيع بهذا الحجم بل ضعها مجزئة
ليس هنالك داع لتفسير جميع الايات في السور الطويلة يعني يكفي عشرين او ثلاثين اية لأن بعض الايات تحمل تفسيرات طويلة والتي لا أحبذ وضعها

ارجو منك حبيبي رامي ان تأخذ هذه الملاحظات بعين الاعتبار وعدم وضع مواضيع طويلة ومجزئة في صفحة واحدة والا سأطر اسفا الى بحث الموضوع مع المدير واشكرك على جهودك الجبارة في المنتدى وشكرا للجميع

اولا شكرا الك على اهتمامك بس أنا شايف انو هاد شي عادي شوف باقي المنتديات وكمان انا استشرت المدير علاء وقلي انو ممتاز هاد الشي
ثانيا انا ماعم حط المواضيع مشان تزويد المساهمات وياريت ماتقلي هاد الشي بدون ماتتأكد

وبتمنى انك تفهمني

شكرا لك عبد اللطيف والله كلامك مظبوط 100%

اخي الكريم رامي هلق انت بالحركة هي ما عم تزيد المواضيع عم تزيد الردود

مع انو الردود يلي عم تحطا عبارة عن مواضيع فمثلا تستطيع انك تحط موضوع تفسير سورة كذا

الجزء 1 وسورة كذا الجزء 2 يعني نفس السورة تقسما اما تحطا بموضوع واحد على شكل ردود

شيء فعلا مو مقبول ويشوه المنتدى ويسبب الملل والقلق انا بنفسي جيت لأقرا ما قدرت وجعوني عيوني

وسكرت حتى لو بتلاحظ الردود على مواضيعك هي قليلة جدا لأنو مملة فأرجو منك ان تصحح هذا الشيء في المرات القادمة

ولا تنسا ذكر مصادر مواضيعك وعندما تقول انظر الى المنتديات الأخرى فنحن لا نتقيد بطريقة منتدى معينة فنحن لنا طريقة

تعامل معينة وقوانين وشروط خاصة بنا فقط ولا تخص اي منتدى آخر شاكر لك جهودك يا غالي والسلام عليكم ورحمة

الله وبركاته

ملاحظة :

لا يحق لك أن تقول للنائب الذي هو اعلى منك رتبة الإعتراض على اي ملاحظة من قبله

تستطيع المناقشة دون الإعتراض بكلمة ياريت ما تقلي هاد الشي قبل ما تتأكد النائب مدرب جيدا وتلقى تعليمات واضحة

فهو يحق له ان يطردك شاكر لك

جهودك وبالتوفيق اخي الكريم انتبه لن اعطيك انذار ولكن انتبه عندما تتحذث لنائب .

بسم الله الرحمن الرحيم

اولا احي الاعضاء الكرام

ثانيا اود ان اقول لك حبيبي رامي انو انا فهمانك وتأكدت من المواضيع الاخيرة تبعك الي هي عن تفسير سور من القران الكريم اولا اقل موضوع يوجد فيه ردود من تلك المواضيع هو 4 او 5 ردود وهذه ردود خاصة بك انت فقط في موضوعك وهي ردود متتالية يعني لو كانت الردود بعد رد او اثنين من بعض الاعضاء فلا يوجد مشكلة وللعلم فقط مساهماتك نطت شي 50 الى 60 مساهمة بس بهدول المواضيع يعني هادا مو دليل على انو بدك تزيد مساهماتك؟؟؟

وبعدين انا بعرف انو في منتديات بتعمل المواضيع بهادا الشكل ولكن الواحد بيشوف المسألة وبيفكر فيا يعني لو نحنا حطينا 10 اجزاء لموضوع واحد في صفحة واحدة هل ياترا رح يكون شكلون جميل وهل ياترى الاعضاء او حتى الزائرين رح يستفيدو منهم وذلك بسبب صعوبة قراءة الموضوع وبعدين لحنا بدنا منتدانا يكون متميز وليس كباقي المنتديات الي انت عم تقول انو عم يعملو نفس الشي لحنا بنعرف نقلد وهادا الشي كتير سهل اما لحنا مابدنا نكون متل اي منتدى بهل نت بدنا المنتدى يكون مشهور بأسلوب اعضائو بحط المواضيع ويكون متميز ايضا بالمواضيع الجديدة والمفيدة وبعدين المنتدى الي بحط متل هيك طريقة بيكون منتدى أعضائو غير مهتمين في وبيكون سيء الشكل والسمعة

ولو كنت تريد من الاعضاء ان يقرئو الموضوع لكنت وضعته بشكل منظم ومرتب حتى ولو كان خمسين موضوع وكانو بشكل منظم وكل موضوع يحتوي رد او ردين بالأكثر تحت الموضوع لكن هدول الخمسين فادو الاعضاء وفادو ايضا الزائرين وترتب المنتدى واصبح ذا شكل جميل بدل من هاي اللخبطة الي انت حاططها وبعدين انت مو كاتب كتير بمكان الموضوع الأصلي لأنو هادا المكان بساع كتير كلام اما مو تحطلي شوي وتكملون ب10 او 11 رد والرجاء انك تعرف انو انا بحكي هادا الشي لمصلحت المنتدى اولا ثم لمصلحتك ثانيا لانو انت عضو نشيط جدا ووفعال بشك كبير ومنذ قدومك وانت تضع مواضيع جميلة ودليل ذلك ان المدير علاء وضعك مشرف عام وهذا دليل على انك متألق بالمنتدى فأرجو منك انك تتقبل الملاحظة بروح رياضية متل مابيقولوا وفي الختام اشكر المدير علاء على رده والسلام خير ختام

انا فهمت عليك عبداللطيف قد ماكان انت نائب المدير وأنا المشرف العام مافيني اتدخل وشكرا الك على اهتمامك

اولا حبيبي رامي اتمنى انك ماتاخد الشي على انو انا نائب المدير وانت المشرف العام مافي حدا احسن من حدا كلنا متل بعض بس لما بقلك على هيك شغلات بكون انا بدي مصلحت المنتدى اولا ومصلحتك تانيا لأانك وكما سبقت وذكرت انت عضو مهم ونشيط يعني لو انا مابدخل على المنتدى ولابحط مواضيع وانا نائب مدير اما انت المشرف العام كل يوم بتفوت وتعمل مواضيع وتحط ملاحظات فممكن وبنسبة كبيرة انو المدير يعزلني ويحطك محلي لأنك انت فعال بدور كبير اما انا ماعم اعمل شي وهادا بس على سبيل المثال والي قصدي منو انو انت ماتاخد الموضوع كمسألة شخصية وانا مابريد من أي حدا بالمنتدى انو يزعل مني لانو في النهاية كلنا رفقات او متل الاخوة فما حدا بيزعل اخو وشكرا لرحابة صدرك وبكرر تمني انو ماتزعل مني وشكرا للجميع